Yn ôl RNID - yng Nghymru mae tua 575,500 o bobl fyddar a thrwm eu clyw: cyfuniad o boblogaeth Caerdydd ac Abertawe. Er gwaethaf hyn, beirniadwyd gwasanaethau cyhoeddus yng Nghymru yn fawr am ddiffyg cefnogaeth - o ran dehonglwyr, cyfathrebu gweledol, cymorth a gwybodaeth.
Os ydych chi'n F / fyddar neu'n drwm eich clyw ac eisiau gwybod mwy am y cymorth a'r gwasanaethau sydd ar gael yng Nghymru, mae nifer o sefydliadau wedi'u rhestru yma a all eich helpu.
© Unknown Vector graphics by Tobias Jakobs [CC0], via Wikimedia Commons
Mae Cyngor Pobl Fyddar Cymru wedi'i leoli ym Mhontypridd ac mae'n gweithio gyda sefydliadau B/byddar sy'n cwmpasu'r rhan fwyaf o Gymru. Mae'r gwasanaethau'n cynnwys:
Mae gan y sefydliad gysylltiadau gyda PDC ar ôl gweithio gyda darlithwyr a myfyrwyr i ddarparu hyfforddiant iaith arwyddion sylfaenol yn ôl y galw ar gyfer cyrsiau seiliedig ar iechyd.
Allwch chi helpu?
Mae angen myfyrwyr i wirfoddoli i helpu gyda gweinyddiaeth a datblygu’r wefan. Os oes gennych ddiddordeb, cysylltwch â Cath Booth.
Edrychwch ar y wefan am ragor o wybodaeth neu dilynwch ar Facebook a Twitter.
Mae Deaf Hub Cymru yng Nghaerdydd yn ganolfan B/byddar yng nghanol y brifddinas, sy'n darparu cefnogaeth a rhwydweithiau cymdeithasol i bobl B/byddar yng Nghaerdydd a'r cyffiniau.
Mae'r ganolfan yn dathlu hunaniaeth pobl Fyddar ac Iaith Arwyddion Prydain (BSL), gan ddarparu lle i lawer o grwpiau Byddar addysgu, hyrwyddo a chefnogi plant ac oedolion.
Mae gan yr hub hanes a diwylliant cyfoethog sydd wedi cael ei ddathlu mewn prosiect fideo cof byw o'r enw Treftadaeth Fyddar. Arweinir y prosiect gan staff cymorth arbenigol PDC a chydlynydd Deaf Hub, Stuart Parkinson. Mae'r fideos yn recordiadau gweledol hynod ddiddorol o bobl Fyddar a CODA yn rhannu eu straeon a'u hatgofion o'u bywydau mewn iaith arwyddion (gyda chapsiynau Saesneg).
Mae'r ganolfan, a ddaeth yn elusen yn 2013 ar ôl i Gyngor Dinas Caerdydd dynnu arian yn ôl, yn dibynnu ar arian y Loteri, rhoddion a chodi arian i gynnal yr adeilad a chynnal digwyddiadau.
Edrychwch ar y wefan a’r dudalen Facebook am fwy o wybodaeth.
.svg){kind=link}