Sut i defnyddio eLyfrau: Defnyddio Adobe Digital Editions

Yn gyntaf, llawrlwythwch  Adobe Digital Editions (ADE).

Mae hwn ar gael ar gyfer Mac, Windows, Android ac IOS.

• Os byddw ch yn llawrlwytho e-lyfr ac yn dewis open with Adobe Digital Editions dylai'r llyfr agor yn awtomatig yn y meddalwedd.

• Y tro cyntaf y byddwch yn defnyddio Adobe Digital Editions efallai y byddwch yn cael ffenestr naid yn gofyn ichi awdurdodi Adobe Digital Editions ar eich cyfrifiadur.

• Gallwch glicio ar y ddolen ar waelod y blwch i hepgor y cam hwn. Bydd awdurdodi Adobe Digital Editions yn caniatáu ichi gyrchu llyfrau rydych wedi'u llawrlwytho i'ch cyfrif ar unrhyw gyfrifiadur.

• I awdurdodi eich cyfrifiadur, dilynwch y cyfarwyddiadau a roddir yn Adobe Digital Editions i greu ID Adobe, yna mewngofnodwch i Adobe Digital Editions. Defnyddiwch eich cyfeiriad e-bost PDC i greu'r ID.

• Os oes gennych ID Adobe eisoes gallwch fewngofnodi.

• Os ydych am dynnu'r awdurdodiad ar gyfer eich cyfrif oddi ar gyfrifiadur, dewiswch help ac yna erase authorisation.

Unwaith y bydd Adobe Digital Editions wedi'i osod:

• Dewiswch eich cyfnod llawrlwytho, o'r opsiynau sydd ar gael.

• Dewiswch eich fformat llawrlwytho (os oes mwy nag un fformat ar gael).

Bydd Ffeil ACSM yn cael ei chynhyrchu y gallwch glicio ar ‘Save’ neu ‘Save as’ arni; yna fe'ch anogir i glicio ar ‘open’ i agor eich eLyfr, a fydd wedyn yn agor yn awtomatig yn ADE. O fewn ADE, bydd yr opsiwn ‘Library’ yn dangos y llyfrau rydych wedi’u llawrlwytho ac am ba mor hir y mae gennych fynediad.

Ar gyfer iPad neu iPhone:

Bydd angen i chi lawrlwytho ap Adobe Digital Editions am ddim (mae angen ID Adobe arnoch i ddefnyddio'r ap). Unwaith y byddwch wedi gosod y feddalwedd hon, bydd angen i chi awdurdodi'r Darllenydd ar eich dyfais.

Os oes gennych ID Adobe, rhowch eich manylion a dewiswch ‘Authorise’.

Fel arall, bydd angen i chi gofrestru ar gyfer ID Adobe rhad ac am ddim cyn awdurdodi.

Pan fydd eich dyfais wedi'i hawdurdodi:

• Dewiswch eich cyfnod llawrlwytho, o'r opsiynau sydd ar gael.

• Dewiswch eich fformat llawrlwytho (os oes mwy nag un fformat ar gael).

• Cliciwch ar yr eicon ‘Download your book’.

Gallwch greu silffoedd llyfrau trwy glicio ar y symbol plws ar yr ochr chwith (wrth ymyl y pennawd Bookshelves).

Symudwch lyfrau i Silffoedd Llyfrau trwy dde-glicio ar y llyfr, dewis copi i'r silff lyfrau a dewis y silff rydych chi am ei defnyddio.

Gallwch ail-enwi neu ddileu silffoedd llyfrau trwy glicio ar y silff lyfrau yr ydych am ei newid, clicio ar y symbol cog (wrth ymyl y pennawd Bookshelves) a dewis ailenwi neu ddileu.

Pan fyddwch chi'n agor llyfr, mae'r ddewislen Darllen yn ymddangos ar frig y ffenestr, gan ddarparu llywio, chwilio a nodweddion eraill. Isod mae rhes o eiconau yn cynrychioli gweithredoedd cyffredin y gallech fod am eu cymryd wrth ddarllen, fel a ganlyn:
 

Go To Library. Mae’n mynd â chi i’r olwg llyfrgell.

Add Bookmark. Mae’n creu nod tudalen ar gyfer y dudalen gyfredol.

Show/Hide Navigation Panel. Mae’n agor panel llywio ar yr ochr chwith; ar gyfer tabl cynnwys neu nodau tudalen.

Text size (EPUB) or PDF View Options (PDF). Mae’n addasu gosodiadau gweld.

Search Box. Mae’n chwilio'r ddogfen ar Sgrin Lawn.

Toggle Screen View. Mae dau fath o eLyfrau gyda mân wahaniaethau mewn nodweddion llywio a chwyddo: EPUBs a PDFs.

Reading EPUBs. Ar gyfer EPUBs, mae'r bar llywio ar draws gwaelod y sgrin, sy'n gyson â sut mae'r rhan fwyaf o eDdarllenwyr yn cyflwyno llyfr (sgrolio o'r chwith i'r dde fel fflipio tudalennau llyfr). Mae gan y ddewislen Darllen is-ddewislen Maint Testun EPUB ar gyfer addasu maint y testun.

Reading PDFs. Ar gyfer PDFs, mae'r bar sgrolio ar ochr dde'r sgrin, sy'n gyson â meddalwedd Adobe Reader (ac yn cydweddu’n well â'i olwg.