Gwasanaeth Datblygu Dysgu
Rydym yn cynnig gweminarau, gweithdai a digwyddiadau drwy gydol y flwyddyn i helpu myfyrwyr i ddeall gofynion ysgrifennu academaidd a gwella eu gwaith cwrs a'u haseiniadau.
Mae'r gweminar hwn yn rhoi awgrymiadau ar fireinio eich pwnc traethawd hir, cynllunio a rheoli'r prosiect, strwythuro'r traethawd a gofynion academaidd ar gyfer ei ysgrifennu.
Mae llawer o fyfyrwyr yn colli marciau gwerthfawr am beidio â chyfeirio'n gywir. Bydd y sesiwn hon yn tynnu sylw at arfer academaidd da ac yn osgoi llên-ladrad; bydd yn canolbwyntio ar ddefnyddio'r system Harvard gyda chyfeiriad penodol at ganllaw arddull USW.
Mae ysgrifennu myfyriol yn sgil bwysig i'w ddatblygu; bydd y sesiwn ryngweithiol hon yn cyflwyno'r prif fodelau ar gyfer myfyrio, gan annog dealltwriaeth o elfennau allweddol fel beirniadaeth, ffurf, strwythur a chydbwysedd.
Mae'r gweminar hwn yn eich cyflwyno i brif nodweddion ysgrifennu adroddiad gan ganolbwyntio ar drefnu a chyflwyno gwybodaeth mewn fformat priodol.
Beth sy'n gwneud traethawd da? Mae'r gweminar hwn yn nodi meysydd allweddol ar gyfer ysgrifennu traethodau, gan eich galluogi i ddatblygu sgiliau yn hyderus ar gyfer y math hwn o dasg.
Ymunwch â ni ar gyfer gweminar ar sut i ddefnyddio Deallusrwydd Artiffisial fel offeryn cefnogol ar gyfer eich astudiaethau. Dysgwch strategaethau clir i ddefnyddio AI yn gyfrifol, tra'n cynnal safonau academaidd ac moesegol, ac osgoi croesi'r llinell i blagio.
Mae siarad yn gyhoeddus yn sgil hanfodol mewn prifysgol neu yn y gwaith. Bydd y sesiwn hon yn edrych ar ffyrdd o gynllunio a threfnu cynnwys yn effeithiol, defnyddio cymhorthion gweledol, a chyflwyno'n hyderus.
Byddwch yn dysgu sut i ddatblygu eich sgiliau ysgrifennu trwy fabwysiadu dull mwy gwerthusol a beirniadol gyda'r gweminar hwn.
Mae'r gyfres gweminar hon yn darparu cefnogaeth Mathemateg ar gyfer myfyrwyr nyrsio sydd angen cymorth gyda'u harholiad Safe Medicate. Mae'r sesiynau'n rhoi adolygiad ar strategaethau Mathemateg megis canslo ffracsiynau a rhannu hir. Yn addas ar gyfer myfyrwyr nad ydynt wedi gwneud Mathemateg ers amser maith neu sydd eisiau awgrymiadau heb gyfrifiannell.
Cais grŵp:Os ydych chi a grŵp o gyd-fyfyrwyr eisiau un o'r gweithdai neu'r gweminarau wedi'u rhestru a'u cyflwyno ar ddyddiad ac amser penodol, anfonwch e-bost atom gyda manylion yr hyn rydych chi ei eisiau a phryd. Byddwn yn gofyn i'r archeb fod ar gyfer mwy na phump mynychwr.
Edrychwn ymlaen at glywed gennych chi a gwneud ein gorau i ddarparu ar gyfer eich cais.